Santalpur | 📍 સાંતલપુરના મઢુત્રામાં વીજ પુરવઠાની ગંભીર સમસ્યા યથાવત

Santalpur. News. પાટણ જીલ્લાના સાંતલપુર તાલુકાના મઢુત્રા ગામમાં વારંવાર વીજળી ગુલ થવાની સમસ્યા સર્જાઈ રહી છે, જેના કારણે ગામલોકો ખુબજ પરેશાન થયા છે.

ગામના લોકો વારાહી UGVCL વિજ વિભાગ સામે અનેક વખત રજૂઆતો કરી ચુક્યા છે, છતાં આજદિન સુધી કોઈ સકારાત્મક પગલું લેવામાં આવ્યું નથી.

મઢુત્રા ગામમાં વીજ પુરવઠો અવારનવાર બંધ રહે છે

અને પરિણામે ઘરેલૂ કામકાજ, ખેતી, તેમજ નાના ધંધાઓ પર સીધી અસર થતી જોવા મળે છે. ખાસ કરીને વરસાદી ઋતુ નજીક હોવાથી મઢુત્રા ગામ વાસીઓ માટે આ સમસ્યા વધુ ગંભીર બની ગઈ છે.

તસવીરમાં પણ જોઈ શકાય છે કે વિજ થાંભલાઓ

જર્જરિત હાલતમાં છે, અને તેને દૂર કરવા માટે સ્થાનિકો પોતાનાં સ્તરે JCB મશીન વડે ખોદકામ કરી રહ્યા છે.

વિજ કંપની તરફથી કોઈપણ પ્રકારનું સહયોગ મળતું ન હોવાના આરોપો પણ ગામલોકોએ લગાવ્યા છે.

📢 ગામલોકોની માંગ છે કે સરકાર અને વીજ વિભાગ તાત્કાલિક ધોરણે અવલોકન કરીને થાંભલાઓનું નવતરકરણ કરે અને સતત વીજ પુરવઠો સુનિશ્ચિત કરે.

The Gujarat Live News ગોવાભાઈ આહીર પાટણ

Author: The Gujarat Live News