પાટણ જિલ્લાના વારાહી ગામના નેશનલ હાઈવે પર સોમવારે રાતના ટાઈમે એક હ્રદયદ્રાવક ઘટના બની હતી, જેમાં એક ઝડપે દોડી આવેલ ટ્રેલરે ઘેટાંઓના ટોળાને હડફેટે લેતા અંદાજે ૧૦૦ ઘેટાંઓનાં ઘટના સ્થળે જ કરુણ મરણ નિપજ્યાં છે, જ્યારે અનેક ઘેટાંઓ ઘાયલ થયા છે.
પ્રાપ્ત માહિતી અનુસાર, ફોજી કોમ્પ્લેક્ષ પાસે હાઈવે પર ઘેટાંઓનું ટોળું પસાર થઇ રહ્યું હતું, ત્યારે ટ્રેલર નં. RJ 06 GD 6457 હાઈવે પર બેદરકારીપૂર્વક પુરઝડપે દોડી આવતાં ઘેટાંઓને ટક્કર મારી હતી. અકસ્માત બાદ હાઈવે પર ટ્રાફિક જામના દ્રશ્યો સર્જાયા હતા.
વારાહી પોલીસ તાત્કાલિક ઘટનાસ્થળે પહોંચી હતી. પોલીસ સ્ટાફે મૃત ઘેટાંઓને સાઈડમાં ખસેડી ટ્રાફિકને નિયંત્રિત કર્યો અને ટ્રેલરના ચાલકને કબજામાં લઈ આગળની કાર્યવાહી શરૂ કરી છે.
🔹 આ ઘટનાથી પશુપાલકોમાં ભારે રોષ જોવા મળી રહ્યો છે અને ડ્રાઈવરની બેદરકારી સામે કડક પગલાં લેવાની માંગ ઉઠી રહી છે.
રિપોર્ટર મુકેશભાઈ પ્રજાપતિ સાંતલપુર
