આ તારીખથી શરૂ થશે સર્ટીફાઇડ બિયારણની નોંધણી, આ રીતે કરી શકાશે અરજી

જૂનાગઢ: કૃષિ યુનિવર્સિટી દ્વારા આગામી રવિપાક – 2024-25 ઋતુમાં વાવેતર માટે ચણાની GJG-3, GG-5 અને GJG-6, જીરુની GC-4 અને ઘઉંની Lok-1 અને GW-496 જાતોના સર્ટીફાઈડ/ટ્રુથફુલ બિયારણના વેચાણ માટેની ઓનલાઈન નોંધણી માટેની અરજી પ્રક્રિયા શરૂ કરવામાં આવી છે. જે અંતર્ગત જૂનાગઢ કૃષિ યુનિવર્સિટીની વેબસાઈટ www.jau.in ઉપર તા.11-09-2024 થી તા.24-09-2024 સુધી કરવાની રહેશે.

ખેડૂતોએ બંને પાકમાંથી કોઈ પણ એક પાકનું એક જાતનું બિયારણ મેળવવા માટે અરજી કરવી એટલે કે, જે ખેડૂતે જે પાક અને જાત માટે અરજી કરી હશે તે જ પાક અને જાતનું બિયારણ મળવાપાત્ર થશે. ખેડૂતોમાં જેમની અરજી મંજુર થશે તેઓને અરજીમાં રજિસ્ટર કરેલ મોબાઈલ નંબર ઉપર બિયારણના વેચાણ/વિતરણ અંગેની SMS થી જાણ કરવામાં આવશે.

આ વેબસાઈટ પર જઈ કરો ઓનલાઈન અરજી

બિયારણનું વેચાણ મેગાસીડ, જૂનાગઢ ખાતેથી કરવામાં આવશે. ખેડૂતમિત્રોએ કરેલ ઓનલાઈન અરજી મુજબ ચણામાં વધુમાં વધુ 5 બેગ (125 કિ.ગ્રા.) તથા જીરુમાં 5 બેગ (10 કિ.ગ્રા.) અને ઘઉંમાં 10 બેગ (400 કિ.ગ્રા.) મુજબ મળવાપાત્ર થશે. વધુ માહિતી માટે ઓનલાઈન અરજી કરવા માંગતા ખેડૂતોએ જૂનાગઢ કૃષિ યુનિવર્સિટી વેબસાઈટ www.jau.in પર જઈ બિયારણ મેળવવા માટેની ઓનલાઈન નોંધણીની અરજી કરતા પહેલા અરજી માટેની શરતોનો અભ્યાસ કરી લેવો.

મેસેજ ન મળે તો શું કરવું?

ખેડૂતોએ ઓનલાઈન અરજીમાં રજિસ્ટર કરેલ મોબાઈલ નંબર પર DND એક્ટિવ હશે તો તે ખેડૂતોને બિયારણ ખરીદીનો SMS મળતો નથી. તો જે ખેડૂતના મોબાઈલમાં આ સુવિધા હોય તો તેને દૂર કરવી. ઘણી વાર નેટવર્ક પ્રોબ્લેમ કે અન્ય કોઈ કારણોસર પણ SMS મળતો નથી. તો તેના માટે થઈને જૂનાગઢ કૃષિ યુનિવર્સિટીની વેબસાઈટ www.jau.in ઉપર અરજી મંજુર થયેલ ખેડૂતમિત્રોનું લિસ્ટ મૂકવામાં આવે છે.

Uric Acid: શરીરમાં જામેલા યુરિક એસિડને પેશાબ વાટે બહાર કાઢશે આ સસ્તુ ફળ, મેટાબોલિઝમ પણ થશે બૂસ્ટ
વધુ સમાચાર…