ડાંગ:મહારાષ્ટ્રનાં નાસિક તરફથી માલસામાનનો જથ્થો ભરી ઉત્તરપ્રદેશ તરફ જઈ રહેલ કન્ટેનર યુપી-૭૮-સીએન-૯૩૫૭ તથા માછળી ખાતળ તરફથી રેતીનો જથ્થો ભરી શામગહાન તરફ આવી રહેલ ટાટા ટેમ્પો જીજે-૩૦-ટી-૦૯૯૪ જે બન્ને સાપુતારાથી વઘઇને જોડતા આંતર રાજય ધોરીમાર્ગનાં નાનાપાડા-કુમારબંધ ફાટક નજીકનાં વળાંકમાં સામસામે ભટકાતા ઘટના સ્થળે ગંભીર અકસ્માત સર્જાયો હતો. આ અકસ્માતનાં બનાવમાં ટાટા ટેમ્પોનાં ચાલક દરવાજા સાથે દબાઈ જતા અફરા તફરીનો માહોલ સર્જાયો હતો. જોકે આ બનાવની જાણ ડાંગ જિલ્લા ભાજપાનાં આદિજાતિ મંત્રી સુભાસભાઈ ગાઈનને થતા તેઓએ તુરંત જ જેસીબી મોકલી ટાટા ટેમ્પોનો દરવાજો ખેંચી ચાલકને બહાર કાઢી સારવાર માટે ખસેડવાની તજવીજ હાથ ધરી હતી.આ અકસ્માતનાં બનાવમાં ટાટા ટેમ્પાનાં ચાલકને પગ સહિત શરીરનાં ભાગે ગંભીર ઈજા પોહચી હતી. આ અકસ્માતનાં બનાવમાં ટાટા ટેમ્પો સહીત કન્ટેનરને જંગી નુકસાન થયુ હતુ. જયારે કન્ટેનર ચાલકનો ચમત્કારિક બચાવ થયેલ હોવાની વિગતો સાંપડેલ છે. આ અકસ્માત બાબતે વઘઇ પોલીસની ટીમે ગુનો નોંધી વધુ તપાસ હાથ ધરી છે.
Author: Ashok kumar Jiyani
Co editor in chief
