શંખેશ્વર બસ સ્ટેશન સામે સોમવારે મોડી રાત્રે એક ગમખ્વાર અકસ્માત સર્જાયો હતો. ઓવરસ્પીડમાં જતી સ્કોર્પિયો કાર અચાનક સ્ટીયરિંગ પરનો કાબૂ ગુમાવતા રોડની સાઈડમાં ઊભેલા ટ્રાવેલ્સ સાથે અથડાઈ હતી. આ અકસ્માતમાં કારમાં સવાર ચાર મિત્રો પૈકી બે યુવકોના ઘટનાસ્થળે જ મોત નિપજ્યા હતા.
મૃતકોમાં શંખેશ્વર તાલુકા સરપંચ ડી.કે. ગઢવીના પુત્ર દીક્ષિત ગઢવી અને બ્રિજેશ ડાભીનો સમાવેશ થાય છે. અકસ્માતમાં અન્ય બે યુવકોને ઈજાઓ પહોંચી હતી, જેમાંથી એકને ગંભીર ઈજાઓ થતાં તાત્કાલિક સારવાર માટે હોસ્પિટલમાં ખસેડવામાં આવ્યો હતો, જ્યારે અન્ય એક યુવકને સામાન્ય ઈજાઓ થઈ હતી.
જયારે ઘટના ની જાણ થતા સ્થાનિક શંખેશ્વર પોલીસ ઘટના સ્થળે દોડી આવી હતી તેમજ આગળની વધુ તપાસ હાથ ધરી છે.આ દુર્ઘટનાએ સમગ્ર વિસ્તારમાં શોકનું મોજું ફેલાવ્યું છે.
રિપોર્ટર. દશરથભાઈ રબારી પાટણ
