ડાંગ જિલ્લાનાં પોલીસ અધિક્ષક યશપાલ જગાણીયા અને નાયબ પોલીસ અધિક્ષક એસ. જી. પાટીલનાઓ દ્વારા બીજા રાજ્યમાં નોંધાયેલ ગુનાઓનાં નાસતા ફરતા આરોપીઓ જે ડાંગ જિલ્લામાં રહેતા હોય તેવા. કિસ્સામાં સદર વોન્ટેડ આરોપીઓને પકડી પડવાની સૂચનાઓ આપી હતી. સાપુતારા પોલીસ મથકનાં પીઆઈ આર.એસ.પટેલ તથા પીએસઆઈમાં પી. ડી. ગોંડલિયા તેમજ પીએસઆઈ જે. જી. અનડકટને ખાનગી રાહે બાતમી મળી હતી કે, રાજસ્થાન રાજ્યના ઉદયપુર જિલ્લાના ઋષભદેવ પોલીસ મથકે પોકસોના ગુનામાં નાસતો ફરતો વોન્ટેડ આરોપી હાજારામ નારાયણ મીણા (ઉં.વ.૨૩ રહે.મગરાબાવશી ભુદર્ભ ફળીયુ, પો.ઋષભદેવ જિ.ઉદયપુર રાજસ્થાન) જે ડાંગ જિલ્લાનાં સાપુતારા ખાતે આવેલ છે અને મજૂરી કામ કરે છે. જે બાતમીના આધારે સાપુતારા પોલીસ મથકનાં.પીઆઈ આર.એસ.પટેલની ટીમે સાપુતારા ઓડીટોરીયમ ખાતે પહોંચી જઈ મજુરી કામ કરતા હાજારામ નારાયણ મીણાને ઝડપી પાડ્યો હતો.
રીપોર્ટર સંદીપ ચૌધરી ડાંગ
