Patan | 📌 સિદ્ધપુરથી વિશેષ સમાચાર હજુ શરૂઆતના વરસાદે નગરપાલિકાની કામગીરી પર સવાલ ઉઠાવ્યા!

Sidhpur . સિદ્ધપુર શહેરમાં હજુ તો મોજમજાના વરસાદની શરૂઆત થઈ છે, પણ શરૂઆતના થોડાક વરસાદે જ શહેરની ખોખલી વ્યવસ્થા બહાર કાઢી છે. પસવાદળ પોળ પાસે ગોગાપરાથી વીરમહારાજના મંદિરમાં, તેમજ સિકોતર માતાના મંદિર અને આસપાસના રહેણાંક વિસ્તારોમાં પાણી ભરાઈ જતા સ્થાનિક રહીશોને ભારે હાલાકીનો સામનો કરવો પડી રહ્યો છે.

શહેરના પૂર્વ વિસ્તારમાં પાણી ઘૂસતાં મંદિરમાં ભક્તોને અવરજવર મુશ્કેલ બની છે, તો મકાનોમાં પાણી ભરાતા ઘરવખરી પણ ખોટમાં જવા પામી છે.

સ્થાનિક નાગરિકોએ નગરપાલિકા તંત્રની કામગીરી સામે આકરો આક્રોશ વ્યક્ત કર્યો છે. લોકોને પૂછપરછ છે કે:

“આમ તો નગરપાલિકા દરવર્ષે નાળાં સફાઈના દાવા કરે છે, પણ હકીકત તો થોડાક વરસાદમાં જ દેખાઈ જાય છે.”

🔹 વર્ષો જૂની સમસ્યા છતાં કોઈ કાયમી ઉપાય ન થવાથી લોકોમાં નારાજગી વ્યાપી રહી છે.

🔹 નગરપાલિકા તંત્ર અને સત્તાધીશો આ સ્થિતિને ગંભીરતાથી લેશે કે નહીં એ પોતે જ એક મોટો પ્રશ્ન છે.

શું શહેરના ભૂતકાળના અનુભવોથી નગરપાલિકા શીખ લેશે? કે ફરી એકવાર માત્ર પ્રતિસાદ આપીને જવાબદારીથી બચવાનો પ્રયાસ થશે…?

The Gujarat Live News ગોવાભાઈ આહીર પાટણ

Author: The Gujarat Live News