Bhavnagar : 🏆 શ્રી લાખણકા પ્રાથમિક શાળાના શિક્ષકની શ્રેષ્ઠ પારિતોષિક એવોર્ડ માટે પસંદગી

🏆 જિલ્લા શિક્ષણાધિકારીની કચેરી, ભાવનગર દ્વારા જિલ્લા કક્ષાના અને તાલુકા કક્ષાના પારિતોષિક માટેના શિક્ષકોના નામની જાહેરાત કરવામાં આવેલ.

જેમાં ભાવનગર જિલ્લાના વલભીપુર તાલુકાની શ્રી લાખણકા પ્રાથમિક શાળામાં શિક્ષક તરીકે ફરજ બજાવતા શ્રી અમરજીતસિંહ ગિરવાનસિંહ પરમારને શ્રેષ્ઠ શિક્ષક એવોર્ડ માટે પસંદગી કરવામાં આવી છે,

આ પસંદગી તેમના અવિરત સમર્પણ, શિક્ષણ પ્રત્યેની નિષ્ઠા અને વિધાર્થીઓના જીવનમાં સકારાત્મક પરિવર્તન લાવવાની અનન્ય ક્ષમતાનો સાક્ષાત્કાર છે.

અગાઉ તેમને ICT બેસ્ટ ટીચરનો એવોર્ડ તથા પ્રતિભાશાળી શિક્ષકનો એવોર્ડ એનાયત થયો હતો.

અમરજીતસિંહ પરમારની નવતર શૈક્ષણિક પ્રવૃતિઓ સાથે સાથે સહઅભ્યાસી પ્રવૃતિઓ જેવી કે, રમત ગમત, વિજ્ઞાન-ગણિત પ્રર્દશન, બાળમેળા, શિક્ષણમાં પ્રોજેકટ વર્ક, ICT In Education તાલીમ વર્કશોપ, ગુણવતા લક્ષી શિક્ષણકાર્ય, પ્રવેશોત્સવ, ગુણોત્સવ, વૃક્ષારોપણ, પર્યાવરણ માવજત-જાળવણી, લોક સહયોગ દ્વારા શાળા વિકાસ, સાહિત્ય લેખન, મોડયુલ લેખન, રાજ્ય કક્ષાની તાલીમમાં તજજ્ઞ, સાત વખત જિલ્લા લેવલે ઈનોવેટીવ ટીચર તરીકે પસંદગી પામ્યા છે.

સામાજીક સેવાઓ વગેરે દ્વારા બાળકોને શિક્ષણ સાથે મૂલ્ય શિક્ષણ પણ આપે છે.

🥇 જિલ્લા શિક્ષણાધિકારીની કચેરી ભાવનગર દ્વારા જાહેર કરાયેલ નામોમાં લાખણકા પ્રાથમિક શાળાના શિક્ષક શ્રી અમરજીતસિંહ ગિરવાનસિંહ પરમાર પસંદગી પામ્યા છે.

આ શિક્ષકને આગામી દિવસોમાં પારિતોષિક એનાયત કરાશે. વલભીપુર તાલુકામાં એક જ શિક્ષકની પારિતોષિક માટે પસંદગી થતાં તેઓએ તાલુકાનું ગૌરવ વધાર્યું છે,

જે બદલ વલભીપુર તાલુકા પ્રાથમિક શિક્ષક પરિવાર દ્વારા આ શિક્ષકને અભિનંદન પાઠવવામાં આવેલ છે.

શ્રી લાખણકા પ્રાથમિક શાળાના શિક્ષકની પસંદગી થવા બદલ શાળા પરીવાર ગૌરવ અનુભવે છે.

The Gujarat Live News ગોવાભાઈ આહીર પાટણ

Author: The Gujarat Live News