સુરતથી કામરેજનાં જોખા ગામે મિત્રનાં જન્મ દિવસની ઉજવણી કરવા આવેલા યુવકને બાઇક ચાલકે ટક્કર મારતા મોત થયું હતું.ઉધના મગદલ્લા રોડ ડાયમંડ કોલેજની બાજુમાં તલાવ વાડી બી ૨/ ૯માં રહેતો અનુજ દીપકભાઈ વાકોડે તા. પનાં સાંજે મિત્ર દીપક સોનીનાં જન્મ દિવસની ઉજવણી માટે મિત્રો સાથે વાવથી જોખા જતાં રોડ પર આવેલા એન્જોય ફાર્મ પર આવ્યો હતો. રાતે અગિયારેક વાગે અનુજ મોબાઇલ પર વાત કરતો ફાર્મની બહાર રોડ પર ચાલતો હતો. ત્યારે બાઇક નં. જીજે ૦૫ એલએક્સ ૧૬૩૨નાં ચાલકે ટક્કર મારતા ગંભીર ઈજાથી બેભાન થઈ ગયો હતો. મિત્રોએ ૧૦૮ને ફોન કરતા સ્થળ પર આવેલ ૧૦૮ના ડોકટરે તપાસી અનુજને મૃત જાહેર કર્યો હતો. બાદમાં અનુજનો મૃતદેહ કામરેજ સામુહિક આરોગ્ય કેન્દ્ર પર લઈ જવાયો હતો. અનુજનાં પિતા દીપકભાઈને ઘટનાની જાણ થતા પરિવાર સાથે ઘટનાં સ્થળે દોડી ગયા હતા. બાદમાં દીપકભાઈએ બાઇક ચાલક વિરૂદ્ધ કામરેજ પોલીસ મથકે ફરિયાદ નોંધાવી હતી.
Author: Ashok kumar Jiyani
Co editor in chief
